कुंडलीवरती कुंडली मारून

त्याच्या बसला शनी

मुहूर्त पाहुनी काम करे तो

सदा टीकेचा धनी

उंबरठे झिजवून ज्योतिषांचे

कंबरडे मोडीत गेले

हर एक ते पैशासाठी

संकट सांगून गेले

अशी संकटे त्याच्यावरती

उदंड झाली फार

पिडीत होती ग्रहनक्षत्रे

आता पिडती वार

नादी लागती कुडमुड्यांच्या

हातात नाही बळ

संकटापुढे ठो पळती

पळपळ काढिती पळ

खोलावरती परावलंबी

श्वास कोंडूनी मेला

इच्छेनुसार चितेवरतीही

मुहूर्त पाहून पेटवला