Skip to main content
बलवान दास मारुती
विवेकी ज्ञानी निरुती
विनयी सदा दास्यभक्ती
रामकाजी सदा रती 

कर्तव्यनिष्ठ सर्वदा
हाती धरी महागदा
रामरसी रुची सदा  
स्थिरबुद्धी रामपदा

वाक्‍चतुर महाबळी
रामस्मरे वेळोवेळी
सदा वास प्रभूजवळी
हनुमंत कपिकुळी

जितेंद्रिय महारुद्र
पारंगत वेदशास्त्र
रामनामे सदा भद्र
शक्तीवान दुजा रुद्र

रामरूपी सदा लीन
रामरूप ज्याचे मन
राम हेची जया धन 

मणी भजे हनुमान

Comments

Popular posts from this blog

आला सोसाट्याचा वारा धूळ टेकली अंबरा झाडं हालली डूलली नाही पाचोळ्याला थारा ... थरथर झाली काया बुंध्यासहित झाडाची वारा झटून घुसला पानं झाली पाचोळ्याची ... अवजडलेली काया गेली धुळीत माखून ढग भलं थेंबारलं आलं नभात दाटून ... भरकटली पाखरं वाऱ्यासंगं झोकांडली जवा चातकाची तान डोळ्यांतून वोसंडली ...     थयथया नाचं मोरं पीसं वाऱ्यात झोकून सृष्टी न्हाली कोंभावली बुंथ लाजंची फेकून...  
पडू दे भुरळ मनाला मोहू दे क्षणाक्षणाला.. तुझे मीपण अन माझे नाही आणि कुणाला सख्या रे बावरलेल्या रंग दे या मनाला .. साजणा स्पर्शून जा रे राजसा कणाकणाला सडा हा नक्षत्रांचा लागले मी पणाला .. मला पाकळ्यांत घे ना दूर सारुनी उन्हाला साजणा लिंपून जा रे आतुरल्या या तनाला
पथिका घेई इथे विश्रांती  ||धृ|| ऐन दुपारी कुणा शोधिशी गोधने चरती येथे वनाभिसारी इथेच राघू   मैना भिरभिर फिरते तप्ततापल्या तनामनाच्या मिळेल तुजला शांती मंदसुगंधी मोहर, फुलला गुंजारव भ्रमरांचा कामशरासी अनुकूल वारा झुळकला वसंताचा   स्वयंदुती अन प्रेमचंचला पाणी भरण्या येती