शहरात लाईट नसते तेव्हा

प्यायला नसते पाणी

लाईटवरची उपकरणेही

बंद होते फोनाफोनी

उकाड्याचा त्रास असूनसुद्धा

दारे खिडक्या बंद असतात

कारण बाहेर मच्छर चिलटे

शस्त्रे परजून तयार असतात

कॉईलधुरानी डासांचं

काहीएक वाकडं होत नसतं

म्हणून शॉकची बॅट घेऊन

बॅडमिंटन खेळणं भाग असतं

शहरात लाईट जाते तेव्हा

पोटात उसळतो आगडोंब

लाईट नाही शेगडी बंद

अशाप्रकारे बोंबाबोंब

कधीकधी वाटे मनाला

गड्या आपुली चूल बरी

सुखसोयींनी अधिक माणसे

परावलंबी झाली खरी

लाईटवरचे पाणी जेवण

लाईटवरचा वारा

हे न सुखाचे आयुष्य मनुजा

ही तर सुवर्णकारा