एक जात हे क्षेपक सारे

जातील सत्य अधोगतीला

घुसडू पाहतील शहाणे जे जे

धुळीस मिळतील मातीला

आकाशासम जीवन ज्यांचे

त्यांतील कणभर साधावे

मग ते घाला खुशाल काव्य

तुमचे त्यांच्या नावे

अनुभवल्यावीण किंमत नाही

बोल तुझे हे फोलाचे

चरणरज तू सेवी त्यांचे

हेच या वेळी मोलाचे

चरणरजांकित मुद्रा त्यांची

लाव तू आपल्या भाळी

त्यांच्या नावे काव्य लिहावे

तेच पुरवतील आळी

विश्वही होई उणे जरी

तू तुकी पाहशील तुका

त्यांच्यासमही काव्ये करशील

जरी साधशील कृपा

कर तू काव्ये कितीही तरीही

तत्व एवढे पाळावे

ज्यांच्या नावे लिहितो

त्या संतास पहिले जाणावे