भरला काठोकाठ ओतुनी

केला माठ रिकामा

डोई उचलुनी सासूपुढे ती

वाजविते पैंजणा

लचकत मुरडत गोपी राधा

डोळे मोडीत चाले

दूर कुठे खेळती गोप ती

कान्हासी धुंडाळे

एकचं कान्हा ध्यानी मनी तो

नच दुजे अंतरी

ऋषिकेशी तो अवलोकितो

राधिका सुंदरी

मनमोहन कान्हा दोहन करितो

उभी राधा शेजारी

ती हसे सुंदरी म्हणे मोहना

बैल दुभे का तरी

ओशाळे कान्हा हसली जेव्हा

राधा त्याच्यावरी

धावत जाऊनि आलिंगिली ती

राधिका बावरी