सूर्य धगधगे ओकीत अंगार

शांत मी निजलो लावूनिया दार

कर्म पांघरुनी झालो साकार

बा सूर्याशी नाही तक्रार

 

ना मरती ना हरती कशाने

हाकारली मी कितेक स्वप्ने

त्या स्वप्नांतून जागती कवने

माहित नाही त्यांना लवणे

पायथ्याशी मी स्वप्नफुलांच्या

ओतल्या वेदना मनाच्या

निखारल्या मी अपमानांच्या

भोवती राशी फुलतळाच्या

खबदाडांतून उठतील फुटतील

फुले घनांच्या माथी बसतील

उजळे भाग्य जे जे कसतील

दरिद्री होतील जे जे हसतील

स्वप्नफुल आवडेल देवा

श्रीमंत करतील त्याचा हेवा

तयांपासुनी लपवूनी ठेवा

अडले नडले त्यांना दावा