लाही लाही होते अंगाची

ऊन असे वर कोसळलेले

सृष्टीमधील सृजनाचेही

संतुलन का ढासळलेले

बावी-कूप नद्याही आटल्या

कुठून ना कळे पाणी आणावे

इतका पाऊस पडून सुद्धा

का लागे थेंबास झुरावे

वणवण फिरती दाट उन्हाळी

भगिनी पाण्यासाठी

देह तापले उन्ही करपले

एका थेंबासाठी

करवंदीच्या जाळी-वनांतून

अंगी उठती ओरखडे

तप्ततापल्या हंड्यावरही

थेंब ओतला असा चरफडे

त्या थेंबाचे महत्व जाणे

वणवण फिरणारी बाई

पाणी नासुया तुम्ही आम्ही

देणे घेणे काही नाही