रवी लुप्तला तरी तेज

कसे चमकते

शब्द विरला तरी

मनी अजून दु:ख ते

तेजाला अर्थ नाही

दु:खाला अर्थ नाही

सांजवेळ आली तरी

मना दु:ख कसे नाही

प्रकाश भोगण्याची इच्छा

अजून कशी गेली नाही

मनाला अर्थ नाही

इच्छेला अर्थ नाही

सुख भोगी अंधारी

भोगणाऱ्या दु:ख नाही

जगालाही दु:ख नाही

सुखालाही दु:ख नाही

जगालाही सुख नाही

अखंड स्वार्थ जपणाऱ्या

मानवाला अर्थ नाही

परोपकारी देह व्यर्थ

यासमही स्वार्थ नाही