जिवंतपणी जगला तो

कठीण मृत्यूपेक्षाही

पेलून नेली संकटे

त्याच्या शक्तीपेक्षाही

स्वभाव त्याचा प्रस्थापितांना

कधीच नाही परवडला

हितात त्यांच्या सबंधातही

प्रत्येक वेळी कडमडला

प्रियकर असे सत्याचा

सदा सुसह्य सुष्टाला

निपक्षपाती अजातशत्रू

कर्दनकाळ भ्रष्टाला

 

मोट बांधुनी त्याला त्याच्या

मुल्यांवरती पेटवला

शुद्ध होता जरी तरी

हर एक प्रयत्ने बाटवला

गांजल्यांच्या हिताकरिता

आयुष्य त्याचे झाले सरण

जळूनी गेला तो नी उरले

राखेमधले हट्टी धोरण