विठ्ठल निधान सुखाचे कोंदण

विठ्ठल साधन मुक्तीलागी

विठ्ठला कानडा विठ्ठल चोखडा

विठ्ठल रोकडा भीमातीरी

विठ्ठल कृपाळू विठ्ठल मवाळू

विठ्ठल स्नेहाळू भक्तालागी

आनंदाचा निधी तुटे भवव्याधी

भोग प्रारब्धादी देशोधडी

विठ्ठल जाणता विठ्ठल जाणता

तरेही नेणता तयाकृपे

गुणाचा सागरू सुखाचा आगरु

अनाथा कैवारू विठ्ठलची

विठूची पंढरी पापाची बोहरी

मुक्तीही सत्वरी मिळे तेथे

घोष वाळवंटी नको आणि आटी

उभा करकटी याचिलागी

विठ्ठल सोहळा अखंड सोवळा

विठ्ठल सावळा वाळवंटी

भाकुनिया कृपा सख्या मायबापा

अहर्निशी जपा पांडुरंग

पायी विठ्ठलाच्या अर्पियेली काया

त्यागियेली माया चरणकमळी