अभंग म्हणुनी तमाशातली

गाणी सुरात गावी

सूर्य उगवला घुबड तरीही

आम्हा वाटा दावी

वागणे आमचे पाहून स्वर्गी

चिंता करिती संत

डोळसपणा गेला यांचा

थोर करिती खंत

वैभव त्यांचे पाहोनिया

डोळे दिपुनी जावे

त्यागमूर्ती तुकया आम्ही

सोयीस्कर विसरावे

अंगणातली तुळसही त्यांनी

गाय बनुनी खावी

मंदिरातली मदिरा आम्ही

तीर्थ म्हणुनी प्यावी

विकत घेती मान-मरातब

तसेच आदर सत्कार

हा शेपटावर पाय दिला मी

खुशाल टाका फुत्कार