सुगंध लुटला वाऱ्याने

केसांत माळलेला

निघून गेला माझ्यावरती

एक भाळलेला

विसरले मी कुशीत ज्याच्या

देहभान सारे

कुठे कशी मी भेटू सख्याला

किती शोधू तारे

अजून रात्री किती सांग ना

विरह असा सोसू

कित्येक रात्री रडून उरला

नयनी ना आसू

चांदराती मला दिलेली

विसरलास तू आण

एकटीच रे ठेवून मजला

कसे सोडिले प्राण

झुळझुळ वाहे नदी खालती

मिळे सागराला

त्याच नदीतून न्हाऊन येईन

भेटाया तुजला