गीत लिहाया घेतले

मी शब्द फासे फेकले

मनासारखे दान घेत

मी चित्र पटावर रेखिले

कधी काटशह केला  

विरोधाभास अन मी साधिला

कधी अर्थाचा वारू झुलवूनी

शब्दपदाती मारिला

कधी जनाची कधी मनाची

अवस्था मी मांडली

भल्या भाट झालो

कधी लोकलज्जा सांडली

कधी शब्दांना लावले

अर्थ मीच ओकायला

कधी भलामण केली त्यांची

प्रसन्न मजवरी व्हावयाला

शब्दांना कधी फुटले कोंब

तेज फाकले आगळे

कवी त्याच्या भावना

कणसूर नाही वेगळे