नजरेस नजर ना दिली कधी

गुपित उघडे पडले असते

डोळ्यात पाहुनी माझ्या तुजला

प्रेम चोरटे कळले असते

घोकिलेही ना कधी मी

रोखिले ना शब्द तुझे

खुलू न दिल्या भावना मी

बाळगले ते गोड ओझे

कळले तुज की ना कळले ते

मजला माहित नाही

मुकेच होते प्रेम बापडे

कधी बोलले नाही

वाऱ्याने फडफडती पाने

शांतपणे मी वाचत होतो

प्रत्येक क्षणी तुज फुलताना

मी आस लावूनी पाहत होतो

फुलपाखरू रंगफुलांवर

बसलेले मी निरखत होतो

उडल्यानंतर त्याच्या मागे

सैरभैर मी धावत होतो