स्वरसाधनामंचकी

दाटून मेघ यावा

तंबोऱ्यातल्या सुरांचा

हा आसमंत व्हावा

सूर एकटाच जोगी

त्याचीच मोहिनी घ्यावी

दुजा चढ-उतरता

बंदिश त्याची व्हावी

हर एक आघातामाजी

व्हावी जिवंत शाई

पाऊस झोडपे कळी

उमलून यावी जाई

फुलपाखराची रुंजी

आवर्तनी दिसावी

जपमाळ मेरुस्थानी

ऐसीच सम असावी

की सूरदेवताही

यांच्या असेल भजनी

स्वरसप्तकाजिव्हाळा

आवाज भीमसेनी  

 

स्वरावलीवर स्वराचा

स्वरसाज अर्थगर्भ

मन-कान एक व्हावे

हे संगीताचे मर्म