दगड पळवणाऱ्यांची

झाली तुफान गर्दी

तो बुरुज देत होता

आज शेवटची वर्दी

अपेक्षा होती बुरुजाला

सावरणाऱ्या हातांची

कारण तिथे कमी नव्हती

पराक्रमाच्या बातांची

रक्ताचाच करून गिलावा

श्रमले होते कित्येक मावळे

त्या बुरुजाला थडगे ठरवून

लाळ गाळीती कित्येक कावळे

एक एक दगड पळवून तुम्ही

नका ढासळवू आम्हाला

पारतंत्र्यातल्या वेदना

नसती ठावूक तुम्हाला

एक एक करून सारे दगड

पळवून नेती कोडगे

स्मारक तोडून पर्यायाने

बांधती आपले थडगे