साप निघाले साप निघाले

जमीन त्यांनी धोपटली

डोकी गेली फुटून तरीही

बुद्धी नाही वापरली

पर्वताइतकी सुजून झाली

मोठी त्यांची करंगळी

सूज कमी कराया त्यांनी

पूजा व्रते आरंभली

हविभाग तो सेवायाला

जमली हावरट तोंडे

घास उतरवुनी गळी

त्याच्या मानेत बांधले धोंडे

इप्सित साध्य करण्या त्याने

अश्वमेधही केला

झापड गच्च झाली

घोडा उर फुटुनी मेला

काहीतरी द्याच आता

जेव्हा केला चित्कार

डोळे दाबले त्याचे

त्याला झाला साक्षात्कार