घर नाना पाटलाचं

माजलेल्या डोंगराला

जिथं झरा उबडला

तिथं आडव्या अंगाला

दोनं पिढ्या सांभाळीला

पोरासोरांचा बोभाट

दोन घरांचा झालेला

सांधी पाटील इस्कोटं

दोन जळत्या घरात

डाव गोडीचा खेळला

किती वेळा गावामंदी

पाणउतारा झेलला

मुंडोशाला बघा त्याच्या

सदा झळाळी सत्वाची

पाटलाच्या खंबीरतेला

जोड विठ्ठल भक्तीची

नाही उन्हाच्या त्या झळा

या सावलीला गारं

पाटलाच्या छायेमंदी

गाव नांदतय सारं